Numri i njerëzve të vaksinuar kundër koronavirusit në Kinë ka shkuar në mbi 1 miliard, njoftuan autoritetet shëndetësore të vendit. Në Kinë deri më tani janë administruar mbi 2,16 miliardë doza të vaksinës kundër COVID-19, prej të cilëve mbi 1 miliard njerëz janë vaksinuar tërësisht, njoftoi Mi Feng, zëdhënës i Komisionit Kombëtar të Shëndetit.
Sipas shifrave të përditësuara, 72 për qind e popullsisë kineze prej 1,4 miliard banorësh është vaksinuar në tërësi.
