Epidemia e COVID-19 e ka përkeqësuar edhe më shumë shëndetin mendor të fëmijëve dhe adoleshentëve në të gjithë botën, paralajmëron UNICEF në një raport të botuar sot.
Pasojat e pandemisë janë të mëdha dhe kjo është vetëm maja e ajsbergut. Para se të ndodhte, shumë fëmijë me probleme të shëndetit mendor nuk trajtoheshi, vuri në dukje drejtoresha e përgjithshme e UNICEF, Henrietta Fiore, në një njoftim për shtyp. Sipas UNICEF, globalisht, më shumë se një në shtatë adoleshentë të moshës 10 deri në 19 vjeç besohet se jeton me një çrregullim mendor të diagnostikuar dhe gati 46 000 adoleshentë kryejnë vetëvrasje, çdo vit, duke e bërë atë një nga pesë shkaqet kryesore të vdekjeve për këtë grupmoshë.
Megjithatë, sipas raportit, vetëm rreth 2 për qind e buxheteve publike të alokuara për shëndetësinë i janë ndarë shëndetit mendor në botë. Sipas organizatës së Kombeve të Bashkuara, përgjegjëse për fëmijët, situata është përkeqësuar nga pandemia COVID-19 dhe kufizimet që ajo ka sjellë. Të paktën një në shtatë fëmijë në botë është prekur drejtpërdrejt nga masat e kontrollit dhe më shumë se 1,6 miliardë fëmijë kanë pasur ndikim negativ në arsimimin e tyre, tha organizata. Në raportin e tij, UNICEF bën thirrje për investim urgjent në shëndetin mendor të fëmijëve dhe adoleshentëve. Shëndeti mendor është një pjesë integrale e shëndetit fizik (…). Ne e kemi lënë pas dore për një kohë të gjatë, në vendet e pasura dhe të varfra, rëndësinë e të kuptuarit të kësaj çështjeje dhe të investimit të mjaftueshëm në të, theksoi Fiore.
