Të qenit i hakuar është i frikshëm: papritmas një person i panjohur ka qasje në shërbimet online që ne normalisht përdorim dhe ndoshta ai mund të lexojë bisedat ose të pretendojë se jemi ne në biseda me miqtë, të njohurit ose kolegët e punës.
Lajmi i mirë është se jo gjithçka është e humbur pasi jeni hakuar. Këtu është një udhëzues për t’i dhënë hakerëve një kohë të vështirë.
Nëse dyshoni se keni pësuar një shkelje të llogarisë, gjëja e parë që duhet të bëni është të kontrolloni fjalëkalimet tuaja: a janë ndryshuar vërtet ato apo thjesht i mbajmë mend gabim apo i shkruajmë gabim? Një ide mund të jetë gjithashtu të përpiqeni të regjistroheni me një pajisje tjetër.
“Prova” gjithashtu mund të gjendet në email-in tuaj. Në fakt, ndodh që të marrim njoftime në formën e e-maileve në lidhje me akseset e çuditshme nga një kompjuter tjetër ose nga një vend tjetër në llogaritë tona private. Një zile alarmi gjithashtu duhet të bjerë nëse marrim njoftim për një fjalëkalim të ndryshuar ose emër përdoruesi.
Nëse dyshimi bëhet konstatim ë qenit objektivi i një sulmi haker, ka ende diçka për të bërë: ja si të rifitoni zotërimin e llogarive që supozohet se janë shkelur.
Google, Apple, Microsoft janë aleatët tanë: edhe nëse zbulojnë në mënyrë të pavarur aktivitete të dyshimta, ata automatikisht do të bllokojnë të gjithë që të mos kenë qasje në llogari.Një alternative, mund të kontaktojmë kompaninë në fjalë, së cilës duhet t’i dërgohet një kërkesë për ndihmë.
Një kërkim i tillë si “raportoni një hack Gmail” ose “çfarë duhet të bëj nëse llogaria ime në Facebook është hakuar”, për shembull, do të çojë në një procedurë rekuperimi step by step.
Por më parë sigurohuni që adresa e rekuperimit është e saktë, duke i hedhur një sy URL -së: duhet të jetë e ngjashme me apple.com ose google.com, me pak fjalë, të përmbajë emrin e kompanisë të shkruar saktë, duhet të “duket origjinale”.
Nëse jeni me fat, Apple ose Facebook do të jenë në gjendje të kthejnë llogarinë tuaj në një kohë të shkurtër. Në këtë pikë, një ide e mirë është të ndryshoni fjalëkalimin dhe të aktivizoni vërtetimin me dy faktorë, i cili përfshin dërgimin e një kodi shtesë të aksesit të përkohshëm në telefon.
