Ministrja e Shëndetësisë dhe Mbrojtjes Sociale, Ogerta Manastirliu, në prezantimin e buxhetit për këtë dikaster për vitin 2022, nuk ka lënë pa sulmuar edhe kundërshtarët politikë.
Teksa kujtoi faktin se ata i kanë zët lajmet e mira dhe e përqendrojnë vëmendjen tek lëvizja e lirë e mjekëve jashtë Shqipërisë, Manastirliu u shpreh se në kohën kur ata ishin në qeveri ilaç i që gjetën për hemorragjinë e mjekëve ishte bllokimi i specializimeve.
Më tej ministrja shtoi se vendimi i parë nga qeveria 6 vite më parë për lëvizjen e lirë të mjekëve për specializime ishte shumë produktiv.
“Shumë pak hapësirë u jepet atyre shembujve që frymëzojnë. Shembujve të 228 mjekëve janë duke punuar larg prej vendit ku banojnë. Detyrën bëjnë do thonin disa që lajmet e mira i kanë si zët. Ku i keni mjekët thonë disa athua nëse lëvizja e lirë e profesionistëve është tabu në këtë Shqipërinë tonë.
Ankohen për hemorragji të mjekëve dhe ilaçi që kishin nxjerrë ishte bllokimi i specializimeve. Vendimi që morën 6 vite më parë i dha fund një prej absurdeve më të mëdha që ka ndodhur këto 3 dekada.
1200 mjekë të përgjithshëm janë punësuar në këto 4 vite në sistemin shëndetësor publik. 3800 infermierë janë punësuar nëpërmjet portalit Infermierë për Shqipërinë. Më shumë se 260 mjekë të huaj punojnë në sistemin publik dhe jopublik në Shqipëri, ashtu si mjekë shqiptarë janë duke punuar jashtë Shqipërisë”, tha Manastirliu.
