Kryeministri holandez Mark Rutte njoftoi se bllokimi holandez i mbrëmjes do të zgjatet me katër javë të tjera, duke përmendur presionin e vazhdueshëm ndaj spitaleve dhe kërcënimin e variantit Omicron.
Sipas rregullave, të cilat tani do të qëndrojnë në fuqi deri më 14 janar, restorantet, objektet kulturore, objektet sportive dhe dyqanet, me përjashtim të supermarketeve, duhet të mbyllen deri në orën 17:00.
Rutte njoftoi gjithashtu se pushimi i Krishtlindjeve për shkollat fillore do të shtyhet me një javë. Ai e quajti zgjerimin e rregullave të shtetrrethimit “të pashmangshëm”.
‘’Kulmi i valës së fundit duket se ka kaluar. Por ka ende arsye për shqetësim,” shtoi ai duke treguar se numrat e infeksionit ishin ende shumë të larta.
“Për sa kohë që spitalet janë plot me pacientë Covid, ne duhet t’i shmangemi virusit”, shtoi kryeministri.
Gjatë shtatë ditëve të fundit, numri i infeksioneve të reja të regjistruara në Holandë është ulur me 21%.
Incidenca shtatë-ditore tani qëndron në 655 infeksione të reja për 100,000 banorë, sipas të dhënave zyrtare. Për krahasim, kjo shifër është 375 në Gjermaninë fqinje.
