Bashkëpunimi midis Kinës dhe vendeve afrikane ka njohur një zhvillim shumëdimensional.Ai është zgjeruar e forcuar edhe më shumë në perpjekjen e përbashket ndaj pandemisë Covid -19.Në vijim të thellimit të këtij bashkëpunimi, presidenti i Kinës Xi Jinping tha të hënën se Kina do t’i ofrojë Afrikës një miliard doza vaksinash të tjera kundër COVID-19.
Xi i tha këto në fjalimin e tij në ceremoninë e hapjes të Konferencës së 8-të Ministrore të Forumit të Bashkëpunimit Kinë-Afrikë përmes videolidhjes.
Ky veprim synon ta ndihmojë Bashkimin Afrikan për ta arritur objektivin e vaksinimit të 60 për qind të popullsisë afrikane deri në vitin 2022, tha Xi.
Më 14 tetor mbërritën në Brundi ndihmat kineze me vaksinat kundër COVID-19/ VCG
Sipas tij, 1 miliard dozat shtesë përfshijnë 600 milionë doza si dhurim dhe 400 milionë të tjera do të ofrohen nëpërmjet mënyrave si prodhimi i përbashkët nga kompanitë kienze dhe vendet përkatëse afrikane.
Krahas kësaj, Kina do të ndërmarrë edhe 10 projekte mjekësore e shëndetësore në vendet afrikane dhe do të dërgojë në Afrikë 1500 punonjës mjekësor dhe ekspertë të shëndetit publik.
