Nga e premtja, vendosja e maskave do të jetë e detyrueshme në shumë ambiente në Angli, duke përfshirë kinematë, teatrot dhe kishat pasi masat janë shtrënguar në një përpjekje për të ngadalësuar përhapjen e variantit të fundit të koronavirusit.
Kufizimet më të ashpra janë cilësuar si një e keqe e nevojshme nga një shkencëtar që këshillon qeverinë, i cili tha se, qasja e re nuk është absolutisht një reagim i tepruar”.
Kërkesa ligjore për vendosjen e maskave është shtrirë në shumë mjedise të brendshme, duke përfshirë muzetë, galeritë dhe qendrat komunitare. Stadiumet sportive përfshihen gjithashtu në rregulloret e publikuara të enjten në mbrëmje, por Departamenti i Shëndetësisë konfirmoi se vendosja e maskave do të jetë e detyrueshme vetëm në mjediset e mbyllura.
Ndërkohë, ‘The Daily Telegraph’ citon një burim anonim qeveritar i cili thotë se, me shumë mundësi numri i vizitorëve në mjediset e kujdesit social do të kufizohet në vetëm tre vizitorë të caktuar si pjesë e planeve të shqyrtuara nga ministrat.
Gjjithsej janë regjistruar 817 raste të variantit Omicron në Britaninë e Madhe që nga e enjtja, raportoi Agjencia e Sigurisë Shëndetësore në Mbretërinë e Bashkuar. /
