Nëse do të zhvillonim një referendum mes ‘po’ dhe ‘jo’ për qëndrimin e Paulo Dybala te Juve, të parët do të fitonin bindshëm. Tifozët e pranishëm në stadium për ndeshjen e Kupës së Italisë kundër Sampdoria-s u rreshtuan hapur me numrin 10 argjentinas, së fundi shpesh “viktimë” e ngacmimeve të klubit me Maurizio Arrivabene.
Paulo Dybala ishte padyshim më i duartrokituri dhe më i vlerësuari nga publiku i Juventusit, pavarësisht se e kishte nisur ndeshjen nga pankina. Kur hyri në fushë, së bashku me një ovacion, kori u ngrit “Dybala qëndron në Torino”. Padyshim që ekziston një frikë e madhe se historia e rinovimit, që nuk ka ardhur ende, nuk do të përfundojë me një fund të lumtur. Pesë minuta më vonë, “Joya” u kundërpërgjigj duke shënuar golin e 3-1 me një top të rikuperuar nga Locatelli.
Këtë herë, ndryshe nga ndeshja ndaj Udinese, Dybala gëzohet, falënderon publikun dhe madje kërkon më shumë mbështetje. Skena ndizet. Me tej, Juve, me iniciativën e të riut Aké, fitoi edhe një penallti. Dhe Dybala, me një gjest bujarie të vërtetë, ia la gjuajtjen e 11-metërshit shokut të skuadrës, Morata.
Dybala u përpoq kështu të mbyllte polemikat e ditëve të fundit, edhe pse para fishkëllimës fillestare, Arrivabene ishte ende protagonist në mikrofona duke shpjeguar se nuk është vetëm Dybala në fund të kontratës, por edhe lojtarë të tjerë. Si për të thënë se “Joya” nuk është i privilegjuar, por një nga të shumtët.
