Policia Rrugore në Tiranë ka arrestuar 5 shoferë të cilët janë kapur duke drejtuar mjetet në gjendje të dehur dhe pa patentë. Mësohet se 23 drejtues mjetesh janë gjobitur për gara shpejtësie në zonat e banuara.
Ndërsa janë proceduar administrativisht për zhurma shqetësuese nga mënyra e drejtimit të mjeteve, 6 shoferë mjetesh sportive.
Mësohet se janë proceduar administrativisht 29 drejtues mjetesh për errësim të xhamit të përparmë ndërsa 131 shoferë, për përdorim të celularit gjatë udhëtimit.
Sakaq, Rrugorja e kryeqytetit bën me dije se janë proceduar administrativisht me pezullim të lejes së drejtimit, 39 shoferë, për shpejtësi mbi normat e lejuara.
Ndërsa 22 shoferë janë gjobitur për drejtimi mjeti nën efektin e alkoolit dhe 56 për parakalime të gabuara.
Janë gjobitur 1130 automjete të ndryshme, për qëndrim dhe pushim në kundërshtim me sinjalizimin rrugor dhe rregullat e qarkullimit.
Për verifikim janë shoqëruar në komisariat 12 automjete me targa regjistrimi të shteteve të tjera.
