Sekretari i Përgjithshëm i Këshillit të Ministrave Engjëll Agaci dëshmoi sot në komisionin hetimor për impiantet e mbetjeve ku i ka dhënë përgjigjë një prej akuzave më të përsëritura nga Partia Demokratike.
Sipas opozitës, në datën 16 dhjetor të vitit 2014 u përshpejtuan 17 procedura brenda ditës për inceneratorin e Elbasanit nga Këshilli i Ministrave.
Por Sekretari i Përgjithshëm i Këshillit të Ministrave, Z.Agaci e rrëzoi këtë pretendim, duke deklaruar se Këshilli i Ministrave nuk ka miratuar asnjë procedurë, e aq më pak të kalojë në mënyrë të përshpejtuar 17 procedura.
Agaçi shtoi se kontrata koncensionare hyn në fuqi gjithmonë me nënshkrimin e palëve, e jo pas miratimit të këshillit të ministrave.
Nga ana tjeter ai duke iu pergjigjur Tabakut tha se nuk ka patur asnje porosi nga kryeministri.
“Këshilli nuk ka miratuar asnjë procedurë, asnjë kontratë, sepse nëse parashikohej që kontrata hyn në fuqi pas miratimit nga këshilli i ministrave do ishte histori tjetër, por kontrata ka hyrë në fuqi me nënshkrimin e palëve dhe kjo është histori tjetër. Procedurat kanë filluar nga fundi ose mesi i korrikut. Momenti i finalizimit të një procedure nuk do të thotë se procedurat kanë filluar atë ditë. Në administratën publike dhe në ministri zhvillohen çdo ditë me qindra procedura”, tha Agaci.
Tabaku: A keni marrë ndonjë porosi nga Kryeministri për këtë koncesion, ku në datën 16 dhjetor janë kryer 17 proceduar ndërinstitucionale në mënyrë që kjo VKM të kalonte në këtë datë?
Agaçi: Nuk ka pasur absolutisht asnjë porosie të tillë. Por, dua të dëshmoj se është aluduar në media me lloj-lloj shpifjesh për këto 17 vendime të dhëna nga Këshilli i Ministreve të dhëna brenda ditës. Është e pavërtetë që Këshilli i Ministrave në mbledhjen e asaj date ka miratuar 17 vendime. Ka një kopje të rendit të asaj dite që mund t’ja u vë në dispozicion, po ashtu edhe proceverbalin e mbajtur gjatë asaj mbledhjeje.
