Qeveria holandeze planifikon të heqë shumicën e rregulloreve shëndetësore në lidhje me pandeminë më 18 shkurt, deklaroi ministri holandez i Shëndetësisë, Ernst Kuipers.
”Stadiumet, teatrot, kinematë dhe restorantet do të rihapen për vizitorët, pothuajse pa kufizime”, shkruan Kuipers në një letër drejtuar parlamentit. Ndryshimi lejon që restorantet të qëndrojnë të hapura deri në orën 01:00, në vend që të mbyllen në orën 22:00.
Megjithatë, numri i rasteve mbetet i lartë në Holandë, por numri i pacientëve që kërkojnë kujdes spitalor po rritet me një ritëm më të ngadaltë. Autoritetet shëndetësore holandeze thonë se ka rreth 4 800 raste për 100 000 banorë.
Qytetarëve holandezë do t’u kërkohet të vazhdojnë të tregojnë pasaportën e tyre Covid-19 për të hyrë në evente sportive, kulturore dhe vende publike sipas planeve të qeverisë.
