Shqipëria u përzgjodh si destinacion për xhirimet e 12 serive të sezonit 22 për vitin 2022 të emisionit televiziv më të shikuar në Holandë, “Wie is de Mol”(Cili është i infiltruari?).
Ministria për Evropën dhe Punët e Jashtme u shpreh sot se, seritë e këtij Tv show më të ndjekur në Holandë vijojnë të shfaqen në Holandë, duke prezantuar para publikut holandez, gjuhën, kulturën, traditën dhe relievin e pasur natyror të Shqipërisë.
“Seritë e TV show më të ndjekur në Holandë “Wie is de Mol”, zhvilluar në destinacionet më të bukura në Shqipëri, vazhdon të mbajë të mbërthyer përpara ekranit, çdo të shtunë publikun holandez dhe vençanërisht fëmijët, të cilët me shumë kuriozitet po njihen me gjuhën, kulturën, traditën dhe relievin e pasur natyror të Shqipërisë”, thuhet në njoftim.
“Faleminderit Wie is de Mol? për këtë promovim. Ju mirëpresim përsëri në vendin e shqiponjave”, thekson MEPJ.
Shqipëria u përzgjodh si destinacion për xhirimet e 12 serive të sezonit 22 për vitin 2022 të emisionit televiziv më të shikuar në Holandë, (Cili është i infiltruari?).
Në emisionin me audiencë prej mbi 4 milionë shikuesish, 11 konkurrentë, personazhe VIP holandezë erdhën në Shqipëri dhe xhiruan lojërat me sfida dhe aventura, në vendet më të bukura dhe mbresëlënëse të Shqipërisë.
