Claudio Marchisio, ish-mesfushori i Juventusit, ka dhënë një intervistë për “Gazzetta dello Sport”, në të cilën ka prezantuar derbin mes bardhezinjve dhe Torinos. Këto janë deklaratat e tij:
“Skuadra e Allegrit është favorite, por ndeshja konsiderohet e vështirë dhe duhet zhbllokuar shpejt. Max përgatitet shumë mirë për këto ndeshje dhe sekreti i tij është qartësia.
Sot do të na duhet ‘hard skin’, siç thoshte gjithmonë babai im, ndërsa për të ardhmen do të doja t’i këshilloja drejtuesit që të mos gabojnë dhe t’i humbasin dy lojtarë si De Ligt dhe Dybala”.
Kujtojmë se “Derby Mole” hap javën e 26-të të Serie A. Juventusi, pasi dështoi të fitonte ndaj Atalantës, përpiqet të qëndrojë pranë zonës së Champions-it, duke reduktuar sulmet që vijnë nga zikaltrit e Gasperinit.
Torino në vend të kësaj kërkon të buzëqeshë sërish, pas disfatave me Udinese dhe Venezia, mbi të gjitha përpiqet të ndalojë mallkimin e derbit. Në 31 derbet e fundit të Torinos, skuadra e granata-ve ka fituar vetëm një herë (2-1, në prill 2015, me golat e Darmian dhe Quagliarella), duke humbur në 23 raste të tjera dhe barazuar 7 ndeshje.
