Komisioni Qendror i Zgjedhjeve la jashtë Kolicionit ‘Shtëpia e Lirisë’ Sali Berishën, por kjo nuk e ka penguar atë që të nis fushatën elektorale për zgjedhjet e 6 marsit. Ndërkohë, Partia Demokratike ka reaguar pasi Berisha prezantoi kandidatin e koalicionit “Shtëpia e Lirisë” në Durrës.
Në një deklaratë selia blu thekson se Berisha vijon të manipulojë demokratët. Sipas PD-së “kandidatët e shtëpisë së Ilirit sot përfaqësojnë Ilir Metën dhe nuk kanë asnjë lidhje me Partinë Demokratike.”
Reagimi i plotë:
Sali Berisha vazhdon të manipulojë demokratët. Kandidatët e shtëpisë së Ilirit sot përfaqësojnë Ilir Metën dhe nuk kanë asnjë lidhje me Partinë Demokratike.
Disa njerëz nga Shtëpia e Ilirit e kanë të vështirë të heqin dorë nga e kaluara e tyre, por çdo votë për këtë shtëpi është votë për pazarin e radhës Meta-Rama.
Shqiptarët e dinë shumë mirë që Partia Demokratike është një, dhe LSI një gjë tjetër.
Sali Berisha dhe kandidatët e tij janë tashmë pjesë e LSI-së dhe ndonëse duket që u vjen turp nga anëtarësimi në këtë parti, ata nuk i lidh më asgjë me PD, sado mashtrojnë duke përdorur emrin dhe simbolet e saj.
Demokratët e dinë se si Ilir Meta ka përdorur pushtetin dhe votat e tyre për pazarin me Edi Ramën ne 2013-ën. Sot po bën të njëjtën gjë.
Prandaj kush zgjedh Metën dhe Berishën, mban Ramën!
