Me filmin “Zgjoi”, çmimi “Oscar” për Kosovën ka qenë afër, por rrugëtimi i tij ka përfunduar të martën kur ai nuk zuri vend në mesin e pesëshes së nominuar. Por ekipi nuk është zhgënjyer.
Filmin e pret një rrugëtim nëpër kinema e festivale në të katër anët e botës.
Regjisorja Blerta Basholli, menjëherë pasi është uruar nga kolegët për suksesin e filmit edhe pa nominim, ka thënë se do të nisë projektin e ri. Është një film për jetën e saj në Kosovën e viteve ‘90.
