Ministrja e Infrastrukturës dhe Energjetikës në foltoren e Kuvendit, ku po diskutohet situata e rritjes së çmimeve, mocion i kërkuar nga Enkelejd Alibeaj.
“Dini të përgatisni vetëm dosje në SPAK për të hequr vëmendje nga sherret familjare. Kompanitë e transportit urban po i paguajmë nga 100 lekë për çdo litër, duke kundërshtuar dhe bllokuar ngritjen e çmimit të biletës. Asnjë nga ata nuk ka të drejtë që të ngrejnë çmimin e biletës se qeveria i ka kompensuar. Ju shkatërruat zinxhirin e naftës dhe gazit,ne ngritëm bordin e transparencës”, u shpreh Balluku.
Rritja e çmimeve për produktet dhe hidrokarbureve është një nga çështjet më të më delikate në vendin tonë dhe Evropë, që prek drejtpërdrejt qytetarin. Kjo ndodhi si pasojë e invazionit, prej luftës që nisi në Ukrainë.
Qeveria ngriti Bordin e Transparencës për të krijuar një ekuilibër dhe për të qenë sa më të qartë dhe transparent me publikun në lidhje me ndryshimin e shifrave.
Gjithashtu qeveria miratoi edhe Paktën e Rezistencës Sociale për t’u ardhur në ndihmë një pjese të popullsisë.
