Britanikët po përballen me një shok të madh për shkak të rritjes së çmimit të energjisë dhe mallrave të importuar. Situata e rënduar u konfirmua nga Andrew Bailey, Guvernatori i Bankës Angleze, u cili tha se “kjo është vërtetë një goditje historike për të ardhurat reale të britanikëve. Sulmi i Moskës ndaj Ukrainës e përkeqësoi krizën, tha drejtori i Bankës së Shtetit, duke shtuar se “Shoku nga çmimet e energjisë këtë vit do të jetë më i madh se në vitet ’70.”
“Paralajmërimi është se vitet ’70 patën një seri vitesh të tillë dhe ne shpresojmë shumë që të mos jetë kështu tani. Por për një vit të vetëm, kjo është një tronditje shumë, shumë e madhe”, tha ai.
Inflacioni në Mbretërinë e Bashkuar u rrit ndjeshëm gjatë viteve ’70 pasi anëtarët arabë të Opec, karteli i prodhuesve të naftës, vendosën një embargo të papërpunuar ndaj vendeve që mbështetën Izraelin në luftën e Yom Kippur. Bailey thotë se Britania dhe Eurozona po përballen me një krizë të ngjashme energjie sepse ata mbështeteshin tek i njëjti treg gazi, duke shtuar se tek ata është ndryshe nga SHBA, që ka më shumë prodhim të brendshëm.
Ai tha gjithashtu se SHBA po përjeton një rritje më të madhe të kërkesës, sepse pandemia e goditi me keq se Mbretërinë e Bashkuar dhe Europën. Bordi kontrollor financiar parashikoi javën e kaluar se të ardhurat reale për familje do të binin në nivelin më të ulët që nga viti 1950. Ata e përgjysmuan parashikimin për rritjen e tyre nga 6 në 3.8%.
Rritja më e ngadaltë dhe inflacioni më i lartë shpesh njihen si stanjacion: një situatë relativisht e pazakontë ku çmimiet e mallrave dhe shërbimeve rriten më shpejt në periudhat ku ka më shumë kërkesa dhe zgjerim të madh të prodhimit.
Ndërkaq, kancelari Rishi Sunak i tha deputetëve se ai është i vendosur të ulë borxhet dhe shpenzimet, duke shtuar se druhet që politika më liberale fiskale do të nxis më tej inflacionin. Ai tha se një rritje prej 1% e inflacionit dhe nivelit të interesit do të “fshinte” hapësirën që kishte krijuar për rritje ekonomike sipas planeve, që i paraprijnë zgjedhjeve të ardhshme .
