Gjenerali Sir Richard Barrons, bashkë-kryetar i Universal Defense and Security Solutions, ka analizuar për mediat britanike, lëvizjet më të fundit të përparimit të Rusisë në Kiev. Karvani rus që shkon në periferi të kryeqytetit është 40 milje i gjatë dhe “përbën një bllokim gjigant të trafikut ushtarak rus”.
Gjenerali Sir Richard thotë se kjo është një shenjë e ” rritjes së besimit nga Rusia “ pasi nëse ukrainasit do të kishin një forcë ajrore, kolona do të ishte një objektiv i lehtë.
Numri i madh i automjeteve do të jetë gjithashtu një “ndryshim i madh në sasinë e dhunës që Rusia mund të sjellë në këtë konflikt”, thotë ai.
Ukraina ka akuzuar Rusinë se ka sulmuar qytete duke përfshirë Kharkivin me bomba thërrmuese dhe bomba vakum. Gjenerali Sir Richard beson se mund të shohen këto lloje armësh të përdorura në Kiev deri në fund të kësaj jave.
Nëse ndodh, ai thotë se forcat ruse do të “shkatërrojnë qytetin që ata erdhën për të “çliruar”, duke vrarë një shumë të tmerrshme civilësh”. Në një paralajmërim ogurzi, ai thotë se numri i viktimave në këtë rast “nuk do të jetë në dhjetëra apo qindra, por do të jetë në mijëra”.
