Juventusi po vazhdon me formën e mirë në Serie A, teksa sot regjistroi fitoren e katërt radhazi. Në ndeshjen e vlefshme për javën e 30-të, skuadra e drejtuar nga Massimiliano Allegri mposhti Salernitanan.
Ndeshja e zhvilluar në “Allianz Stadium” ka përfunduar me rezultatin 2:0. Të dy golat e fitores për “Zonjën e Vjetër” u shënuan në pjesën e parë. Paulo Dybala shënoi fillimisht në minutën e pestë, kurse Dusan Vlahovic pas 24 minutave.
Juventusi tani ka 59 pikë dhe renditet i katërti në tabelë, kurse Salernitana mbetet e fundit (20) me 16 pikë.
