Agjencia ruse e lajmeve ka bërë publike listën e plotë të korridoreve të reja humanitare që do të ndihmojnë në avakuimin e qytetarëve rusë, të cilët ndodhen në qytetet që janë në qendër të luftimeve.
Sipas një organi të themeluar së fundmi të quajtur Shtabi Koordinues Ndërdepartamental për Reagimin Humanitar në Ukrainë, vetëm Mariupol dhe Sumy kanë rrugë evakuimi që të çojnë në pjesë të tjera të Ukrainës.
Më herët, është bërë me dije se disa nga korridoret e reja të armëpushimit të shpallura nga Rusia të çojnë në Rusi ose Bjellorusi.
Detajet janë si më poshtë:
Mariupol
Rruga 1 – Novoazovsk, Taganrog, Rostov-on Don (Rusi), më pas me ajër, rrugë ose hekurudhë në një destinacion të zgjedhur ose vend mbajtjeje të përkohshme
Rruga 2 – Portivske, Mangush, Respublika, Rosivka, Bilmak, Polohi, Orekhiv, Zaporizhzhya (Ukrainë)
Kharkiv
Nekhoteyevka, Belgorod (Rusi) më pas me ajër, rrugë ose hekurudhë
Sumy
Rruga 1 – Sudzha, Belgorod pastaj me çdo transport
Rruga 2 – Sumy, Golubivka, Romny, Lokhvitsya, Lubny, Poltava (Ukrainë)
Kiev
Hostomel, Rakivka, Sosnovka, Ivankiv, Orane, Çernobil, Gden’, Gomel (Bjellorusi), pastaj me ajër në Rusi
Në deklaratë thuhet gjithashtu se ushtria ruse do të kryejë kontroll objektiv të pandërprerë të evakuimit, duke përfshirë edhe në përdorimin e dronëve.
Një zëdhënës i presidentit ukrainas Volodymyr Zelenskiy e ka quajtur propozimin e Rusisw për koridoret humanitare “plotësisht imoral”.
