Burimet pranë policisë i kanë thënë TMZ se kanë zgjedhur mos të lajmëronin Rocky për ndalimin ndonëse kishin më shumë se një javë duke u përgatitur. Ekziston një procedurë shumë e zakonshme që Departamenti i Policisë së Los Angeles dhe agjenci të tjera përdorin kur arrestojnë një të dyshuar- dorëzimi vullnetar. Policët zakonisht thërrasin avokatin e të dyshuarit në mënyrë që i dyshuari të dorëzohet pa zhurmë. Kjo nuk ka ndodhur në rastin e reperit.
Rocky thuhet se ka qenë nën hetim për përfshirjen e tij në një sulm me armë në nëntor të vitit të kaluar. Kjo është edhe arsyeja pse policia nuk e paralajmëroi Rocky-n pasi pretendonte të gjente armën e përdorur. Policët besojnë se A$AP qëlloi një burrë në dorë në Hollywood gjatë një sherri. Nëse artisti do ishte në dijeni ai mund ta fshehte armën andaj forcat e policisë koordinuan arrestimin dhe kontrollin e shtëpisë së tij.
Të paktën 10 policë po prisnin Rocky-n kur avioni i tij privat u ul duke e prangosur. Rihanna dhe Rocky ishin duke u kthyer nga Barbados.
Bëhet me dije gjithashtu se Rihanna ka dashur të shkonte në shtëpinë e tij në mëngjes për të marrë disa nga gjërat e saj, por policët nuk e lanë të hynte.
Tashmë artisti është lënë i lirë pasi pagoi 550,000 dollarë ndërkohë që polica po shqyrton çështjen dhe duhet të marrë një vendim së shpejti nëse do të ngrejë akuza.
