Interpol Tirana ka bërë me dije se vijon bashkëpunimi me homologët për lokalizimin, kapjen dhe ekstradimin e personave të shpallur në kërkim ndërkombëtar.
Në këtë kuadër është ekstraduar nga Zvicra një shtetas shqiptar i shpallur në kërkim për mashtrim me pasoja të rënda, të kryer në mënyrë të përsëritur.
Falë bashkëpunimit me homologët zviceranë, Zyra Qendrore Interpol Tirana ka realizuar ekstradimin nga Zvicra drejt vendit tonë të shtetasit Avni Buci, 48 vjeç.
Shtetasi Avni Buci, gjatë periudhës 2008-2011, në mënyrë të përsëritur, ka përfituar shuma të konsiderueshme parash dhe automjete, duke mashtruar persona të ndryshëm fizikë dhe juridikë.
