Lajm i keq për Pedro. Ylli i Barcelonës do të mungojë në pjesën e mbetur të sezonit, pas dëmtimit që pësoi në ndeshjen e “Europa League” kundër Eintracht Frankfurt dhe që e detyroi të linte lojën në pjesën e parë. Klubi katalanas lëshoi një raport mjekësor që tregon se ai ka një çarje në bicepsin femoral të këmbës së majtë.
Barcelona, megjithatë nuk e specifikon kohën e pushimit dhe tregon vetëm për evoluimin e tij, por mund të jetë të paktën një muaj larg fushës, kështu që nuk do të rishfaqet deri në mes të majit, kur sezoni do të përfundojë.
Futbollisti ndjeu dhimbje në këmbën e majtë pak para pushimit mes dy pjesëve të lojës dhe u konsultua me mjekun e klubit. Ai u ekzaminua në dhomën e zhveshjes dhe u vlerësua se lëndimi mund të ishte i rëndë. Xavi urdhëroi zëvendësimin menjëherë dhe Frenkie de Jong hyri në vend të tij.
Në përfundim të ndeshjes, klubi lëshoi një komunikatë të parë mjekësore duke treguar se këtë të premte lojtari do t’iu nënshtrohej më shumë testeve. Diagnoza u konfirmua, ndaj Pedri do të humbasë pjesën e mbetur të sezonit, sepse Xavi nuk ka ndërmend të rrezikojë aspak me të.
Pedri ishte jashtë fushave për më shumë se dy muaj në fund të vitit të kaluar, ndërsa klubi nxitoi për kthimin dhe rikuperimin e tij. Ai nuk mundi të rikthehej deri në janar dhe që atëherë ka ofruar një paraqitje të jashtëzakonshme. Lëndimi i tij i ri është një lajm i keq për Blaugrana-t.
