Lazio-Torino mbylli kampionatin italian të shtunën para se t’i jepte hapesire Pashkëve. Një raund që do të përfundojë nesër me Atalanta-Verona dhe mbi të gjitha Napoli-Roma. Në pritje të përfundimit të javes se 33-te, megjithatë nuk munguan polemikat. Pas ndeshjes së Olimpico-s, në Sky Club u përfol shumë për atë që ndodhi këtë javë me eliminimin e Atalantës nga Europa League nga Leipzig, por mbi të gjitha për fitoren e Romës ndaj Bodo/Glimt që lejoi verdhekuqte për të hyrë në gjysmëfinalen e Ligës së Konferencës pas humbjes 2-1 të ndeshjes së parë.
Një fitore emocionuese duke qenë se Mourinho do të jetë skuadra e vetme që do të përfaqësojë Italinë në Evropë. Megjithatë, është e pamundur të mos kujtojmë se në katër ndeshje Roma arriti të pësojë 10 gola nga një ekip që në letër ishte shumë larg nga ekipi italian per buxhet dhe lojtare.
Kjo është arsyeja pse Paolo Di Canio, ish-futbollist, komentator dhe i ftuar i rregullt i Sky Club të drejtuar nga Fabio Caressa, nënçmoi plotësisht arritjen e verdhekuqve në TV live dhe pa filtra. Një shpërthim që krijoi siklet në studio dhe që la të gjithë pa fjalë sidomos për çiltërsinë e ish-kapitenit të Lazios. Në një moment, gjatë transmetimit, Di Canio i përgjigjet Marco Bucciantinit që mbrojti fitoren e Mourinhos, duke e gjykuar si një sukses të çmuar për futbollin tonë. Mirëpo, Di Canio nuk është dakord dhe shpreh hapur konceptin e tij: “Jemi të kënaqur me këto ka*lliqe Marco!- thotë ai duke folur për fjalimin e kolegut të tij- Nuk shkuam në Botëror dhe po e kalojme kete gje, nëse do të fitonte, pasi i duhet të luajë ende gjysmëfinalen, sikur të ishte diçka stratosferike?!”.
Di Canio është një lumë në përmbytje dhe nënvizon konceptin e përsëritur në disa raste të ndryshimit të madh që ekzistonte ende midis Romës dhe skuadrës norvegjeze, padyshim brenda mundësive të verdhekuqve, të cilët në vend të kësaj kishin vështirësi të mëdha për t’u përballur me këta kundërshtarë që doli të ishin te komplikuar për të mos thënë me keq…
“Bodo / Glimt! Bodo / Glimt! – thotë me forcë Di Canio – Mbushim gojën me Bayern dhe Manchester. Shtatë lojtarë të Bodos punojnë në port dhe pastrojne salmon – shpjegon ai përsëri – Roma ka pesuar 10 gola prej tyre në tre ndeshje është një fakt goditës dhe Mourinho ka të drejtë të bëjë që fitoren ndaj Bodos të duket si një ngjarje historike”.
