Ministrja e Kulturës, Elva Margariti ka shuar të gjitha pretendimet se Parku Kombëtar i Butrintit do të jepet me koncesion. Margariti tha në Report Tv se është një marrëveshje bashkëpunimi me Fondacionin jo shtetëror Shqiptaro-Amerikan për Zhvillim (AADF), ku qeveria do të jetë partner.
Në ‘Studio Live’ me Arbër Hitaj, ministrja shpjegoi detaje nga plani i ri i menaxhimit, ku theksoi se do të vihen në jetë mini-projekte për të përfshirë komunitetin në zonë. Kjo është një nga rekomandimit bazë të UNESCO, duke qenë se Butrinti është pjesë e saj.
“Nuk është koncesion, menaxhimi Butrintit kalon në një fondacion të posaçëm me fondin amerikan për Zhvillim dhe Ministria e Kulturës. Fondi është një doantor ashtu siç mirëpresim donatorë të tjerë. Biletaria elektronike, 10 site janë përmirësuar falë kontributit të fondi amerikan për zhvillim. Prezenca e fondit ka qenë edhe më parë në Butrint. Nuk ka asnjë lloj sekreti siç u shua për elementë që nuk i bëhen me dije publikut. Parku Kombëtar i Butrinit është pasuri kulturore botërore dhe si e tillë i parashtrohet edhe disa rekomandimeve të UNESCO. Plani Krijimi i shtigjeve të reja, aksesueshmërinë nëpërmjet varkave, ka në fokus një element shumë kyç karbon free, ka një qasje ekologjike, në sfidat globale që ndeshemi. Ka elementë të detajuar për restaurimin, por edhe mirëmbajtjes së zonës arkeologjike. Elementi mbështetjes së komunitetit lokal, rekomandim bazë i UNSECO, përfshirja e komunitetit në jetën e përditshme të këtij parku. Krijojë mini projekte për të përfshirë komunitetin edhe në formë grantesh. Do kemi edhe më shumë staf se do shtojmë personel, udhërrëfyes, ura bashkëpunimi me komunitetin”, tha Margariti në Report Tv.
Margariti tha se do të nisë restaurimi i Muzeut Etnografik të Krujës, por edhe muzeut në Kavajë. Ajo shtoi se një projekt i ri është edhe muzeu hebraik që do të ndërtohet në Vlorë, i cili do të tregojë për jetën e vështirë të hebrenjve, por do të nxjerrë në pah edhe traditat e shqiptarëve si mikpritjen.
“Yuth for Culture, për restaurimin etnografik në Krujë dhe Kavajë. Një nga projektet e reja është Muzeu Hebraik në Vlorë, vjen si një muze për të treguar një histori të shqiptarëve, një histori të hebrenjve në ato ditë të vështira. Një studio izraelit e ka fituar presim fundvitin për projektin e plotë”, tha Ministrja.
Projekti dhe buxheti për ndërtimin e teatrit Kombëtar janë gati tha ministrja, por theksoi se ndërtimi është pezulluar për shkak të krizës së çmimeve që ka goditur vendin.
Ministrja u ndal edhe në nismën ‘Javët ndërkombëtare të Kulturës’ e cila tha se do të zgjasë deri në muajin nëntor. Ajo bëri me dije se vitin tjetër kjo nismë do të nisë më herët që në muajin janar ose shkurt. Margariti tha se koncertet dhe festivalet do të shtrihen edhe në zonat rurale.
