Ministri i Jashtëm i Ukrainës, Dmytro Kuleba, ndodhet në Bruksel për bisedime me aleatët e NATO-s. Në një konferencë shtypi me Sekretarin e Përgjithshëm të NATO-s, Jens Stoltenberg, ai tha: “Axhenda ime është shumë e thjeshtë. Ka vetëm tre pika në të. Janë armët, armët dhe armët.” “Ne dimë se si të fitojmë, por pa furnizime të qëndrueshme dhe të mjaftueshme të të gjitha armëve të kërkuara nga Ukraina, këto fitore do të shoqërohen me sakrifica të mëdha”, vazhdoi ai.
“Sa më shumë armë të marrim dhe sa më shpejt të mbërrijnë në Ukrainë, aq më shumë jetë njerëzore do të shpëtohen,” theksoi Kuleba. “Sa më shumë qytete dhe fshatra nuk do të prishen dhe nuk do të ketë më Bucha.” “Mund të tingëllojë e çuditshme, por sot armët i shërbejnë qëllimit të paqes”, përfundoi ministri ukrainas.
Ai tha se Ukraina ka nevojë për avionë, automjete dhe sisteme të mbrojtjes ajrore nga aleatët e NATO-s.
