Beatrix Ramosaj nuk e kurseu një thumb të hapur kundrejt moderatores Bora Zemani këtë të mërkurë teksa promovoi këngën e saj të re. “Komshinjtë e kujt do të çmenden këtë javë?”, shkroi këngëtarja, e cila këtë shprehje më parë e ka komentuar në postimin e Borës, pasi kjo e fundit u takua me Donaldin në Big Brother VIP.
Ndjekësit nuk e kanë pritur aspak mirë veprimin e Beatrixës dhe nuk kanë hezituar t’ia thonë në komente. Një prej tyre ka shkruar “Ndjej sikur nuk e bullizuam këtë vajzë mjaftueshëm!”
Postimi i saj i ka rënë në sy këngëtares, e cila ia ka kthyer: “Vazhdo, më bullizo…Unë jam më e fortë nga ç’mendon ti! Thjesht shpresoj që një ditë fëmijët e tu të mos lexojnë gjërat që ke shkruar”.
