Barazimi në shtëpi me Bolonjën, që ka vënë në pikëpyetje vendin e katërt në renditjen e Juventusit (dhe kualifikimin pasues në Champions League) duket se tashmë ka krijuar pakënaqësi të madhe brenda klubit të Juventusit. Në bankën e të akuzuarve pas barazimit 1-1 të javes së 33-të të Serisë A është trajneri Massimiliano Allegri. Loja e skuadrës së Juventusit që vazhdon të mos jetë bindëse, sidomos për sa i përket prodhimit te golave (Juventusi ka vetëm sulmin e 10-të të kampionatit) pavarësisht investimit të rëndësishëm ekonomik të bërë në janar për të sjellë Dusan Vllahovic në Torino.
Lidhur me këtë, Lapo Elkann menjëherë pas finales thriller të ndeshjes me Bolognan, qe e mbylli me 9 lojtare pas dy kartoneve te kuq dhe 8 minutash shtese, shkruati ne twitter. “Jemi pak Allegri!!! Allegri…” referuar me loje fjalesh faktit se fjala Allegri do te thote “te lumtur”… Ky është në fakt mesazhi i nisur nga pasardhësi i familjes Agnelli, kushëri i presidentit aktual të Juventusit, Andrea dhe vëllai i atij John Elkann, i cili drejton kompaninë Holding të familjes, Exor, të cilit i përket Juventusi. Edhe pse ato të 44-vjeçarit mund të duken vetëm fjalët e një tifozi të zhgënjyer për rezultatin e keq të arritur nga skuadra e Juventusit ndaj Bolonjës (me barazimin e arritur vetëm pas asaj që ndodhi në finalen e acaruar me arbitrin Sacchi, në realitet kanë shumë më tepër peshë sesa mund të duket.
Në fakt, nuk është sekret që Lapo Elkann në një të ardhme jo shumë të largët mund të jetë pasardhësi i Andrea Agnellit në presidencën e Juventusit. Thashethemet për të janë bërë këmbëngulëse në periudhën e fundit me thashethemet që flasin edhe për një Lapo tashmë në punë për Juventusin e tij të ri. Një kurs i ri i Juventusit, pra, i cili, nëse do të bëhej realitet, me sipërmarrësin e lindur në Nju Jork, sigurisht që nuk do të përfshinte Massimiliano Allegrin në stol. Sepse preferenca e tij nuk eshte kurresesi Max Allegri.
