Ukraina shpreson të evakuojë civilët nga fabrika e madhe e çelikut Azovstal në qytetin port të rrethuar të Mariupolit. Lajmi është konfirmuar nga zyra e presidentit të Volodymyr Zelensky.
“Një operacion është planifikuar sot për të nxjerrë civilët nga uzina,” citoi agjencia e lajmeve
Reuters.
Sekretari i Përgjithshëm i OKB-së Antonio Guterres diskutoi evakuimin e civilëve nga Mariupol kur u takua me Zelensky të enjten.
Guterres tha se diskutime intensive ishin duke u zhvilluar për të mundësuar evakuimin e fabrikës së çelikut Azovstal – pjesa e fundit e qytetit që nuk është nën kontrollin rus.
Të martën, presidenti rus Vladimir Putin ra dakord “në parim” për përfshirjen e OKB-së dhe Komitetit
Ndërkombëtar për Kryqin e Kuq në evakuimin e njerëzve nga uzina.
Besohet se qindra burra, gra dhe fëmijë janë ende të strehuar në atë vend.
