Marrëdhënia mes Stresit dhe Kejsit ka pasur shumë ulje ngritje ndër vite. Teksa kishin planifikuar të bënin dhe një dasmë, çdo gjë mori fund rreth një viti më parë duke mos pasur më shpresë për ndonjë ribashkim. Mirëpo dhe pse të ndarë, dyshja kanë treguar se vazhdojnë ende të ruajnë një marrëdhënie të mirë me njëri-tjetrin, madje shpreh herë dhe komunikojnë së bashku.
Kejsi ka vazhduar jetën e saj në Kanada ndërsa reperi në Shqipëri teksa vazhdon dhe karrierën e tij muzikore.
I ftuar në programin “E diell” gjatë një sfide me vezë, moderatorja i ka kërkuar artistit t’i dërgojë një video ish partneres ku i thotë se ‘po vdes nga dëshira që të jenë bashkë të planifikojnë një fëmijë dhe se do të ndahen kurrë më”.
Stresi ka pranuar ta bëjë sfidën me gjithë qejf teksa prezantuesja vuri re një detaj shumë të veçantë ku reperi ia kishte shënuar emrin në telefon modeles “E bukura Kejsi”.
“Kejs nuk di si të ta them por mezi po pres që të ribashkohemi bashkë. Dëshira është shumë e madhe besoj që edhe ti e di, të kemi një fëmijë bashkë pasi kemi kaluar shumë kohë dhe mendoj se është momenti i duhur. Të dua shumë”.- u shpreh këngëtari në videon të cilën më pas ia dërgoi asaj.
Pas kësaj moderatorja e pyeti se mos vallë mes tyre ka ndonjë ribashkim por Stresi zgjodhi të mos fliste dhe vetëm buzëqeshi. Mos vallë ky gjest nga ana e tij na tregoi se dyshja janë ribashkuar sërish? Gjithësesi kjo mbetet për tu parë në vazhdim.
Rikujtojmë se një javë burime për “Panoramaplus” zbuluan disa foto të Kejsit duke punuar në një lokal nate si kamariere ku lajmi më pas bëri një bujë të madhe. Menjëherë pas kësaj erdhi dhe reagimi i Kejsit e cila në një status në Instagram ajo tregoi se asnjëherë nuk e ka mohuar punën që bën e madje ka punuar që 18 vjeç.
“Unë kam punuar që 18 vjeç. Në asnjë moment nuk e kam mohuar punën apo të kem ndjerë turp. Punoj 5 ditët e javës në bakë dhe pasi mbaroj aty, punoj edhe në lounge. Kam qenë ajo që kam postuar, nuk më keni kapur gjë mat apo në turp. Jam shumë krenare se nuk jam shtirur kurrë të jetoj një jetë ndryshe nga kjo që jetoj. Punoj shumë dhe shijoj lekun tim, qoftë në darka, pushime apo veshje e çdo gjë tjetër”, shkruajti modelja.
