Mbi 500,000 ukrainas janë dërguar me forcë në Rusi nga autoritetet e Moskës, tha Presidenti Volodymyr Zelensky sot gjatë fjalimit të tij në Parlamentin e Estonisë. Sipas Zelensky, rusët përpiqen t’i çojnë ukrainasit e dëbuar në rajone të largëta të vendit, t’u konfiskojnë dokumentet dhe sendet personale, si telefonat celularë dhe të ndajnë fëmijët nga prindërit e tyre për të lejuar, familjet ruse që ti adoptojnë në mënyrë të paligjshme.
