Arrestohen 3 efektivë të komisariatit të Kavajës.
Agjencia e Mbrojtjes Policore njoftoi se pas ngjarjes së rëndë të ndodhur në këtë komisariat ku një 31-vjeçar i arrestuar i dha fund jetës në qeli janë arrestuar inspektorët e policisë Bexhet Berberi dhe Rushit Kola si dhe nën-komisari Petrit Brahimaj.
Pasditen e djeshme i riu Ilvi Meta gjeti vdekjen ne ambientet e Komisariatit. Ai dyshohet se kreu vetëvrasje me lidhësen e kapuçit të xhupit sportiv. Meta ishte arrestuar pak orë para ngjarjes pasi gjykata kishte vendosur në mungesë arrest me burg për akuzën e vjedhjes.
