Kreu i SPAK Arben Kraja, në fjalën e tij në mbledhjen e Këshillit Kombëtar të Integrimit u shpreh se është kundër ndryshimeve të shpeshta ligjore
I ndalur tek korrupsioni dhe pastrimi i parave, kreu i SPAK tha se ky është një fenomen i pranishëm, ndërsa shtoi se duhet një punë e madhe dhe një koordinim i gjithanshëm për ta luftuar.
“Ne kemi kërkuar të forcohet siguria e strukturës (SPAK) për të dhënë produkte sa më pozitive. Me rëndësi është vullneti i mirë për t’u bërë”, u shpreh ai.
Kufizimi i numrit të Prokurorëve?
Kraja: Çështjet janë shumë komplekse, kuptohet që ka disa prioritete që t’i vendos vetë ligji. Secili prokuror i vendos vetes prioritete në raport me dosjen që ka.
Gjithashtu Kraja i pyetur për 21 janarin tha se nuk mund të japë përgjigje.
Korrupsion , pastrim parash?
Kraja: Nga perceptimi ynë padiskutim që ka , ka korrupsion në të gjitha strukturat në të gjitha fushat. Duhet punë e madhe për t’i luftuar dhe duhet një koordinim i gjithanshëm . Ne si prokurori kemi pasur prioritet pjesën e korrupsionit, hetime të zyrtarëve të nivelit të lartë.
