Ministrja e Arsimit, Evis Kushi ka njoftuar se data 25 Maj do të jetë ditë pushimi për të gjitha institucionet arsimore në të gjithë Qarkun e Tiranës.
Ky vendim është marrë në kuadër të masave të marra për finalen e Conference League.
Njoftimi i publikuar nga ministrja Kushi:
Referuar vendimit të qeverisë për shpalljen e datës 25 Maj ditë pushimi për Qarkun e Tiranës, në kuadër të masave të marra për finalen e Conference League, ju njoftoj se të gjitha institucionet arsimore publike dhe private (përfshirë kopshtet, shkollat, universitetet, zyrat arsimore, etj.), do të jenë pushim.
Le të jemi të gjithë pjesë e kësaj ngjarjeje të madhe dhe të mirëpresim vizitorët nga e gjithë Europa!
