Ministri i brendshëm Bledi Cuci ka njoftuar se data 25 Maj që përkon me ndeshjen e Conference League do tw jetw ditë pushimi për të gjithë Qarkun e Tiranës.
Ky vendim është miratuar për të garantuar mbarëvajtjen dhe menaxhimin sa më të mirë të fluksit të qytetarëve që do të vijnë në Shqipëri.
“Në mbledhjen e qeverisë vendosëm që datën 25 Maj ta shpallim ditë pushimi për të gjithë institucionet e Qarkut të Tiranës në kuadër të ndjeshjes Roma-Feynord. Pritet një fluks i madh qytetarësh, rreth 5, 6 herë më shumë njerëz se sa ka kapacitet stadiumi. Ne po marrim masat që ajo ditë të jetë ditë feste për të gjithë jo vetëm për sportdashësit si një ngjarje e rrallë ka ndodhur në Tiranë e Shqipëri. Data 25 do të jetë ditë pa makina.
Të gjitha akset hyrëse drejt kryeqytetit do të bllokohen deri në 6 pasdite. Kushdo që do t’i bashkohet festës mund të vij në Tiranë pas orës 06:00 pasdite. Kështu garantojmë fluksin e jashtëzakonshëm të menaxhohet sa më mirë e për ta kthyer këtë event në festë për të gjithë.” tha ministri Çuçi pas mbledhjes së qeverisë ditën e sotme.
