Një rast makabriteti është zbuluar në Korçë ditën e sotme ku një nënë ka futur në valixhe foshnjën e porsalindur, ku më pas fëmija ka ndërruar jetë. Foshnja është gjetur pa jetë në banesë nga bashkëshorti, i cili kishte ardhur ditën e djeshme nga emigracioni.
Ai është shprehur në Polici se kishte më shumë se një vit që nuk ishte kthyer në shtëpi nga emigrimi dhe fëmija i vdekur nuk ishte i tij. Mësohet se gruaja kishte probleme mendore ndërsa çifti kanë së bashku edhe një fëmijë tjetër 5-vjeç. Ndërkohë foshnjës po i bëhet ekspertiza mjeko-ligjore. Policia njofton se grupi hetimor po punon për sqarimin e rrethanave dhe dokumentimin e plotë të kësaj ngjarjeje.
