Java e ardhshme do të sjellë ulje temperaturash në të gjithë territorin, për shkak të reshjeve të shiut që herë pas herë do të vijnë në formën e shtrëngatave, Dita e hënë dhe e martë do të ketë temperatura më të ulëta nga ditët e nxehta me të cilët u përballëm javën që lamë pas.
Parashikimi i motit sipas SHMU:
Kjo javë që pritet të nisë do të mbartë me vete ndryshime. Ditën e hënë, si pasojë e qarkullimit të masave më të freskëta me lagështirë, parashikohen reshje në të gjithë vendin edhe në formën e shtrëngatave. Si rezultat, temperaturat do të pësojnë rënie. Tashmë po i afrohemi fundit të pranverës, kështu orët e gjata të ditës sjellin temperatura në rritje. Pikërisht në këto orare duke patur dhe paqendrueshmëri në ajër krijohen kushtet për reshje, shtrëngata e rrebeshe të përkohshme të cilat e prekin vendin pjesërisht.
Era do të fryjë e lehtë deri mesatare gjatë shtrëngatave me drejtim kryesor veriperëndimin, ndërsa valëzimi i forcës 2 deri 4 ballë kryesisht të premten.
