Federico Chiesa është zyrtarisht lojtar i Juventusit. Klubi bardhezi ka respektuar kushtin e Fiorentinës, teksa marrëveshja e huazimit të futbollistit përfshinte blerjen e detyrueshme të tij, nëse torinezët ia dalin të kualifikohen në Champions League për sezonin 2022/2023.
“Zonja e Vjetër” edhe matematikisht është pjesë e garës për trofeun me veshë të mëdhenj në edicionin që vjen, pas barazimit të Romës në fundjavë.
Juventusi është e detyruar të derdhë në arkat e ekipit violë plot 40 milionë euro. 24 vjeçari anësor i sulmit, Chiesa ka luajtur 14 ndeshje në 2021/2022, kushtëzuar këtu nga dëmtimi që po e le jashtë fushave për një kohë të gjatë.
