Gareth Bale ka lajmëruar transferimin e tij te Los Angeles FC me një video të postuar në rrjetet sociale: “Shihemi së shpejti Los Angeles!”, ka qenë mesazhi i uellsianit që ka shoqëruar videon ku shfaqet me fanellën e klubit.
Postimi është publikuar edhe nga profili i klubit, duke zyrtarizuar kështu transferimin e madh. Bale do të ketë si shok skuadre ish-mbrojtësin dhe kapitenin e Juventus-it, Giorgio Chiellini.
Sulmuesi po përgatitet për një eksperiencë të re në MLS pas Ral Madrid-it, ku ka fituar 5 Champions League, 4 Botërore për klube, 3 kampionate, 3 Kupa të Spanjës, dhe pasi ka udhëhequr Uellsin e t ij drejt Botërorit në Katar.
Dy blerjet e reja të klubit amerikan mund të debutojnë 8 korrikun e ardhshëm, në derbin kundër Los Angeles Galaxy.
See you soon, Los Angeles. 👊 @LAFC @LAFC3252 pic.twitter.com/GVP8WVWLPe
— Gareth Bale (@GarethBale11) June 25, 2022
