Katër ditë përpjekje javën e shkuar për të shuar zjarrin në ishullin e Sazanit nxori në pah keq pajisjen e 120 forcave të emergjencës civili, atyre të ushtrisë dhe të zjarrfikëseve të Vlorës.
Sikurse edhe një vit më parë kur Llogoraja u pushtua nga flakët, shuarje e zjarreve erdhi përmes helikopterëve dhe avionëve ujë-hedhës ardhur nga disa vente të BE-s. Ky avion i ardhur nga Greqia mundësoi shuarjen e zjarrit në Sazan.
Një javë më pas kryeministri Edi Rama i dorëzoi kërkesën për të qenë pjesë e mekanizmit të BE për Mbrojtjen Civile komisionerit të BE-së për menaxhimin e krizave, Janez Lenarčič, i cili ndodhet në Tiranë.
“Anëtarësimi i Shqipërisë në këtë BE të mbështetjes civile, është një hap shumë domethënës, por edhe një lehtësim i madh për ne, po të kemi parasysh nevojat që kemi. Nuk bëhet fjalë vetëm për të marrë, por edhe për të dhënë”.
Në një kohë kur ngjarja e Sazanit nxori edhe njëherë në pah keq pajisjen e Shqipërisë me mjete zjarr shuarje, si mundet vendi ynë të kontribuojë në mbrojtjen civile të BE-s?
“Kur flasim për një zjarr që dhe dikush vjen dhe na jep ndihmë, kjo nuk është për të qarë hallin sepse ketë e bëjnë të gjithë edhe vendet më të fuqishme. Greqia përballet me zjarre shumë më intensive se sa ne, dhe të gjitha vendet dhe e përballojnë me anë të këtij mekanizmi. Kjo nuk është se duam ne apo se tani u kujtuam por për shkak të reformave që ne kemi bërë. Shqipëria i ka parametrat që të bëhet pjesë e këtij mekanizmi”.
Komisioneri BE-së për menaxhimin e krizave, Janez Lenarčič tha se parashikohet një verë me shumë zjarre dhe se do të shikohet gatishmëria e vendeve të BE për të ndihmuar, pasi avionët nuk ndodhen në Bruksel.
