Kryebashkiaku i qytetit jugor të Ukrainës Mykolaiv, Oleksandr Sienkevych, u ka kërkuar banorëve të qytetit që të largohen.
Kjo thirrje e tij ka ardhur për shkak të bombardimeve ruse në zonë. Ai ka thënë se nëse ata duan të jetojnë duhet të largohen menjëherë nga vendi i tyre.
“Unë sugjeroj të gjithë ata që duan të qëndrojnë gjallë të largohen nga qyteti. Rreth 230,000 njerëz mbeten në qytetin e Mykolayiv tani,” tha kryebashkiaku.
Rrugët e evakuimit jashtë qytetit janë në drejtimet e Odesa, Kryvyi Rih dhe Kiev.
Ai e përshkroi situatën në përgjithësi shumë të keqe, duke thënë se qyteti po bombardohet çdo ditë.
Kryebashkiaku tha se 111 njerëz janë vrarë dhe 502 persona të tjerë janë plagosur, duke përfshirë gjashtë fëmijë.
