Në momentin kur mori dhuratën, Cllevio (Kleviol Ahmeti) ishte live në Instagra, ku tregoi se një postier i kishte sjellë një pako nga Noizy. Dhurata që reperi i kishte dërguar ishin disa artikuj nga marka e tij e veshjeve, të cilët Cllevio i hapi gjatë live-it në rrjetin social ps këmbënguljes së shokëve të tij.
“Ky tjetri i emocionuar a thua se na solli diamanta. Më ikën 100 euro më këto mua, 50 euro postierit, 50 euro atij”- iu drejtohet shokëve të tij Cellvio, i cili më pas hap kutinë. Fillmisht ai tregoi për ndjekësit e tij një kapele të cilën tha se nuk do ta përdorë.
“Këtë s’kam për ta vënë kurrë sepse i dua kështu por do e mbaj në dollap. Kjo tjetra e lezetshme prerje e bukur”– shprehet ai. Më tej në kuti përveç artikujve të tjerë si bluze apo pantallona, Noizy i kishte dërguar Cllevios një palë të brenshme për meshkuj. Ky i fundit nuk reagoi mirë duke thënë: “Këto s’i vesh, brekët i blej vetë. Ti dal buzës time me brekët e Ilyrianit”
Gjatë videos Cllevio bënte herë pas here edhe ironi apo shaka duke thënë se dhuratat e Noizyt “do t’jua falë shokëve të tij”
Kujtojmë se Kleviol Ahmetaj ka reaguar sërish gjatë ditës së sotme pas deklaratave të Noizyt. Cllevio i kërkoi reperit falje në rrjetet sociale dhe tha se nuk do e sulmonte më. (KLIKO)
Në një status Noizy shkruante se Cllevio përmes live të tij argëtonte thjesht fëmijët dhe ata që ai i quan njerëz me smirë. Ai i thotë të harxhojë energjinë duke bërë art dhe këngë. “Uroj të qetësohesh sepse përveç vetes dhe tënde ke marrë në qafë gjithë familjen dhe miqtë e tu të afërt që thua se i do shumë. Janë shumë me zemër të ngrirë se çfarë do broçkollisësh ti në live e radhës duke argëtuar kalamajtë dhe njerëzit me smirë në Internet. Sepse të jesh i sigurt që njerëzit e mëdhenj dhe të hajrit nuk të ndjekin kur ti vetëm shan dhe ofendon. E di pse? Se nuk është ndonjë gjë e bukur dhe e rrallë. A ke mundësi të bësh art? Pasi dy këngë tu bënë të famshme.”- shkruante Noizy.
Teksa ka rishpërndarë statusin e Noizyt në Instagramin e tij Cllevio shkruan: “Këtë mesazhin e gjatë mos të gënjej nuk e kuptova se je shumë i thellë ti Bello im”.
Mes rreshtash Noizy shprehej se nuk ka nevojë të kërkojë falje por të përmirësohet, respektojë dhe dojë veten. “Harxhoje energjinë për të bërë diçka të hajrit sepse ato që ke bërë deri tani janë për të argëtuar kalamajtë dhe idiotat që gëzon kjo tokë. Nuk ka nevojë të kërkosh falje, por ka nevojë të përmirësohesh, respektosh dhe duash veten. Asnjë nuk është krenar me sjelljet e tua. Bëj një plan ditor, javor, mujor, vjetor dhe mundohu tu rrish korrekt. Ha shëndetshëm dhe shko në palestër. Mos rri në live sepse ato janë për të lënë njerëzit duke parë ekranin e një telefoni. Bota ka më shumë se Instagram dhe TikTok. Rregullo veten, djal i ri”.
Për këtë status Cllevio shkruan: “Kurse këtu dhe nëse nuk i ke kopjuar këto fjali, poet i ke por me një disiplinë si e ke ti. Je bos king, je pak pedagog”.
Ndërsa mesazhit të Noizyt se “Unë ende s’kam besim tek ti! Gjithsesi shohim, të jesh mirë”, Cllevio iu përgjigj: “Je skeptik e di, sepse edhe unë jam tip supersticiozi”.
Pas lirimit nga burgu tre ditë më parë Cllevio u arrestua sërish ditën e djeshme. U tha se shkak këtë herë kanë qenë ofendimet dhe kërcënimet e vazhdueshme në rrjetet sociale që nga momenti kur la qelinë. Nga ana tjetër, Cllevio tha se ishte babai i Noizyt ai që e kishte çuar në polici ku edhe e priste për një marrëveshje.
Në rrjetet sociale Cllevio ka treguar se është shprehur i penduar para tij dhe se kanë nënshkruar një marrëveshje. Për këtë marrëveshje ai u shpreh se i ka kërkuar dy kushte, ndonëse nuk zbuloi se për çfarë kushtesh bëhej fjalë konkretisht.
