Analisti Ben Andoni, e sheh çeljen e negociatave si një mundësi të mirë për të përmirësuar shumë nga sektorët në vendin tonë. Është një hap përpara për të na çuar drejt një vendi më demokratik . Për Business Magazine ai shprehet se sektori i ekonomisë dhe ministria e financave ka rolin kryesor në këtë hap pasi do të duhet ti përmbahet , 13-të kapitujve të cilat i parashikon BE.
Cilat janë përfitimet e biznesit në Shqipëri nga çelja e negociatave?
Fillimisht, gjithçka vihet re në momentin e shfaqjes së modalitet në Open Ballkan, Z. Rama dhe Z. Vuçiç kanë thënë që, të dyja vendet tona kanë nevojë për përgatitjen e kuadrit ligjor por edhe teknik të thithjes së investimeve të huaja. Sllavët për shkak të konjukturës së tyre historike kanë ndërtuar edhe më shumë besimin e investitorëve të huaj.
Ndaj, tani pas çeljes së negociatave investitorët nuk do të vijojnë ta shohin Shqipërinë si vend problematik por do të ketë patjetër lehtësira.
A ëshë kjo një sfidë apo arritje?
Është të dyja bashkë. Sot fillon sfida e vërtetë e politikanëve sepse në shkollat profesionale do të duhet të nxjerrin sa shumë dhe sa më tepër profesionistë.
Investimet e huaja kërkojnë edhe fuqi punëtore, ata nuk mund ta importojnë fuqinë punëtore. Shumë prodhime tonat gjithashtu pak nga pak do fillojnë të certifikohen ndryshe në tregun EU.
Çfarë do të sjellin këto ndryshime?
Një gjë është e sigurt që do të ulet informaliteti dhe ne do të operojmë në kuadrin e një vendi sipas rregullave të BE.
Kjo do të bëjë që shqiptarët ose të rikthehen në vendin e tyre ose të pranojnë të qëndrojnë dhe punojnë këtu. Na pret një e ardhme më e mirë.
Vende të tjera të Rajonit janë në prag hapjesh të negiciatave, nga aspekti ekonomik ne jemi më të zhvilluar apo disa hapa pas atyre?
Tregu Sllav është tepër i strukturuar dhe ka një ecuri goxha të mirë, ose më saktë ashtu ka qënë gjithmonë. Të hapur për të bashkëpunuar me Kosovën, Malin e zi e Krocainë. Kanë mbështetur fuqinë bashkëpunuese mes grupesh. Për fat të keq ne nuk kemi një treg aq të mirë sa do ishte nëse do ishim një treg i përbashket me Kosovën. Vonë tani hoqëm tarifën e rrugës. Nëse do ishim një treg i përbashkët do të luanim edhe politikat e brendshme. Sot që flasim kemi ekonomi të pastrukturuar ende mirë, nuk kemi një treg të mirëfilltë ekonomik. Nëse do të punonim me Kosovën gjërat do të ishin ndryshe, do kishim shkëmbim mallrash apo gjithçka tjetër dhe do të konkuronim edhe Malin e Zi edhe Maqedoninë. Grupet e intereset pengojnë kanale të caktuara zhvillimi për Shqipërinë. Serbia dhe Krocia e kanë shumë më të lehtë të depërtojnë në tregun ndërkombëtar. Ne pse e kemi kaq të vështirë? Uroj që kjo të kuptohet së shpejti. Serbia e ka kaluar me kohë këtë problem ndaj është radha jonë tani ta shohim si sfidë.
Cila ministri sipas jush do të ketë punën më të vështirë?
Ministria e financave do të ketë punën më të vështirë. Me mbi 13 kapituj që duhet parë dhe vlerësuar. Kjo patjetër do të marrë goxha kohë. Do të duhet një burrokraci jashtëzakonisht e mirë e cila do të duhet ta përballojë.
Së dyti, tani shteti çdo gjë duhet ta mendojë në bazë të hapjes së kapitujve të rinj cdo gjë do ndryshojë.
A mendoni që po njësoj si Kroacia me 12 vite përpjeke edhe ne do të bëhemi pjesë e BE?
Besoj se po!
Madje unë mendoj që edhe më shpejt pasi në kohën kur u fut në loje Kroacia kishte të tjera modalitete ndëra tani të tjera.
Efektet do të kemi mundësi ti shohim por fillimisht do të jenë të padukshme. Ndikimi më i madh pritet të jetë edhe në drejtësi.
