Korriku i këtij viti ishte muaji më i nxehtë në historinë e Spanjës, me një temperaturë mesatare prej 25,6 gradë Celsius, tha shërbimi meteorologjik i vendit AEMET.
Mesatarja mujore mposhti rekordin e mëparshëm nga korriku 2015 me 0,2 gradë Celsius dhe është 2,7 gradë Celsius më i lartë se mesatarja afatgjatë për korrikun.
“Ne patëm një masë ajri shumë të ngrohtë mbi vendin tonë pothuajse gjatë gjithë muajit korrik”, tha zëdhënësi i AEMET-it, Ruben del Campo.
”Vala e të nxehtit midis 9-26 korrikut u ushqye gjithashtu nga një masë ajri edhe më e ngrohtë nga Afrika e Veriut”, tha ai.
E kombinuar me një thatësirë disamujore dhe erëra të forta, vapa krijoi kushte të favorshme për përhapjen e zjarreve të shumta në korrik.
Viti 2022 shënon vitin më shkatërrues për zjarret në pyjet e Spanjës.
