Robert Lewandowski ka luajtur në tri ndeshje të fazës përgatitore me Barcelona-n, por kjo duket se nuk e ka pakësuar entuziazmin e mijëra tifozëve që kanë qenë të pranishëm në Camp Nou për të parë prezantimin e tij.

Ndoshta detaji më interesant ka qenë se polaku ka dalë në fushë duke mbajtur fanellën me numrin 9. Ish-ylli i Bayern-it ka mbajtur numrin 12 gjatë ndeshjeve të fazës përgatitore, me 9-ën që është mbajtur nga Depay.

Lewandowski është shoqëruar në fushë nga presidenti Joan Laporta, i cili ka falënderuar drejtorin sportiv Mateu Alemany dhe vetë sulmuesin, por në mënyrë të pazakontë edhe menaxherin Pini Zahavi për mbylljen e operacionit.

“Mirëmëngjes Culers”, ka thënë Lewa në gjuhën katalanase, që është pritur me brohoritje nga të pranishmi. “Jam shumë i lumtur që jam këtu, faleminderit!”, ka vazhduar ai.

Numri i ri i zgjedhur nga polaku mund të jetë një sinjal për largimin e afërt të Depay, për të cilin flitet prej kohësh për një lamtumirë nga Camp Nou.

Gjatë prezantimit të tij, Lewandowski ka entuziazmuar tifozët duke imituar gjestin e famshëm të Ronaldinho-s, duke e mbajtur topin mbi buzët e tij.

ARTIKUJ TE NGJASHEMME SHUME