Të tjera detaje dalin në dritë në lidhje me ngjarjen në uzinën e Poliçanit.
Gazetarja Eneida Petova, duke iu referuar burimeve konfidenciale, në lidhje me ndalimin e 4 shtetasve të huaj, tha për BalkanWeb se këta të fundit kishin hyrë gjatë natës në një nga tunelet. Ngjarja mendohet se ka ndodhur rreth orës 3-4 të mëngjesit.
Sipas burimeve të Petovës, shtetasit e huaj pasi kanë parkuar mjetin diku afër tunelit, kanë përfituar nga fakti që rojet kanë qenë në gjumë dhe pasi kanë shqyer një nga dyert e tunelit të armatimeve kanë fotografuar aty më pas kanë dalë. Pasi rojet kanë dëgjuar zhurma, kanë njoftuar policinë dhe kjo e fundit ka bërë shoqërimin e tyre në komisariat.
