Nisur nga thashethemet e kësaj fillim vere, Mauricio Pochettino ka reaguar duke sqaruar se pas largimit të tij nga PSG nuk qëndron lojtari Kylian Mbappe. “Mbappe nuk më detyroi të largohem nga PSG”, tha ai.
Edhe vetë lojtari e ka mohuar një gjë të tillë fuqishëm në rrjetet sociale, mirëpo ai jo pak herë është vendosur në qendër të sulmeve si njeriu që ka fuqi në vendimmarrjen e klubit, prandaj deklarata e tij nuk ka qenë shumë e besueshme. Megjithatë, vetë trajneri ka pushuar të gjithë zërat.
Largimi i Pochettino u konfirmua muajin e kaluar pasi argjentinasi dështoi të fitonte titullin e Ligës së Kampionëve.
