Sipas MeteoAlb: Deri në mesditë Shqipëria do të mbizotërohet nga moti i kthjellët në bregdet dhe zonën e ulët, por kalime vranësirash do të ketë në zonat malore. Ndërsa në pjesën e dytë të ditës pritet grumbullim i vranësirave duke sjellë rrebeshe shiu në pjesën më të madhe të vendit ku në zonat veriore dhe qendrore do të jenë në formë shtrëngatash.
Temperaturat e ajrit do të rriten në mëngjes dhe në mesditë duke luhatur vlerat ditore nga 15°C deri në 32°C.
Era do të fryjë mesatare dhe herë pas here e fortë me shpejtësi 45 km/h nga drejtimi Veriperëndimor duke sjellë në brigjet detare dallgëzim deri në 3 ballë.
Rajoni dhe Europa
Në dy skajet e Europës: përkatësisht në Europen jug perendimore dhe Europen Lindore mbetet moti i kthjellet dhe temperaturat e larta. Ndërsa e gjithë pjesa tjetër e kontinentit mbizotërohet nga vranësira dhe rrebeshe shiu KU herë pas here do të jenë në formë shtrëngatash, kryesisht në Europën qëndrore dhe gadishulllin e Ballkanit.
Kosova
Kosova; do të jetë nën mbizotërimin e motit të qëndrueshëm përgjatë paradites Ku kthjellimet do të jenë dominante por pasditja sjell zhvillim të vranësirave duke gjeneruar rrebeshe shiu si edhe mini-stuhi te forta ere në pothuajse të gjithë Kosovën.
Maqedonia e Veriut
Republika e MV paraqitet me alternime kthjellimesh dhe vranësirash gjate orëve të paradites por pas mesditës pritet grumbullim i vranësirave duke sjellë rrebeshe shiu në të gjithë MV. Edhe pasditja VIJON në ndikimin e vranësirave dhe shirave në të gjithë territorin e MV.
