Një avion ushtarak amerikan që ishte marrë nga era e fortë dhe hedhur në det nga aeroplanmbajtësja gjatë një stuhie, është rekuperuar, njoftonte sot marina e SHBA.
Gjuatësi i tipit F-18E Super Hornet me vlere rreth 65 milione dollare, kishte rënë nga kuverta e aeroplanmbajtëses USS Harry S. Truman “pas një moti të keq të papritur” më 8 korrik.
Marina e SHBA tha se kishte arritur të nxirrte avionin nga deti Mesdhe, teksa pamjet e marra në ishullin italian të Siçilisë e tregonin atë të mbëshjellë me veshje mbrojtëse, të vendosur në transportusen ushtarake USNS Mendonca.
Zyrtarët thanë se gjuajtësi ishte gjetur në një thellësi prej 3,500 metra nga grupet e kërkimit nënujor.
Avioni i rekuperuar një javë më parë tashmë është vendosur në një bazë ushtarake dhe do të transportohet drejt SHBA.
Komandanti Miguel Lewis, tha: “Grupe e specialistëve SUPSALV realizuan operacionin e sigurt të rekuperimit brenda 27 ditëve nga incidenti”.
“I gjithë oepracioni nuk zgjati më shumë se 24 orë, që tregon përkushtimin dhe aftësitë e grupit”.
