Të premten, më 23 shtator, Autoriteti Francez i Mbikëqyrjes dhe Rezolucionit Prudencial ( ACPR ) i dha FIFA Clearing House një licencë për të vepruar si institucion pagesash. Autorizimi i ACPR i lejon Clearing House të FIFA-s të marrë dhe të përpunojë pagesat në emër të klubeve, në përputhje me standardin evropian. Falë vendimit të miratuar, Clearing House FIFA tani mund të fillojë të funksionojë. Clearing House FIFA, një ent i pavarur, është krijuar në Francë në njohje të rëndësisë së Parisit si kryeqytet financiar dhe aleancës globale të FIFA-s me autoritetet franceze.
FIFA kërkon të centralizojë, përpunojë dhe automatizojë pagesat ndërmjet klubeve, duke filluar me kompensimin e trajnimit (kompensimi i stërvitjes dhe kontributi i solidaritetit) dhe të promovojë transparencën financiare dhe integritetin e sistemit ndërkombëtar të transfertave. Sipas fjalëve të Victor Montagliani , zv.president i FIFA-s dhe kryetar i Komitetit të Grupeve të Interesit të Futbollit të FIFA-s, “Clearing House FIFA është një pjesë thelbësore e reformës së sistemit të transfertave, e cila është thelbësore për të ardhmen e futbollit dhe duhet të bazohet në parimet e qeverisjes së mirë dhe solidaritetit”. Emilio García Silvero, drejtor i divizionit të shërbimeve ligjore dhe pajtueshmërisë në FIFA, komentoi: “Pasi mësuam për vendimin e fundit të autoritetit francez të kontrollit bankar dhe pas nënshkrimit të kontratave të nevojshme me subjektet bankare, shpresojmë të fillojmë operacionet shumë shpejt.” .
‘Clearing House’, zyrtarizohet në Paris ‘banka’
Pasaporta elektronike e futbollistëve. Klasa të ndryshme politike kanë duartrokitur menaxhimin e bërë. Këshilli i Europës dhe Parlamenti Europian mendojnë se do të jetë një pikë kthese që futbolli të kuptohet si diçka transparente. Të gjithë lojtarët do të kenë një pasaportë elektronike, në të cilën do të shfaqet historia e plotë e tyre me skuadrat dhe federatat e ndryshme nëpër të cilat ai ka kaluar dhe që do të jetë thelbësore për çdo operacion. Të gjitha paratë që lëvizin rreth nënshkrimeve (komisionet e përfshira te agjentët) do të përfundojnë duke kaluar përmes të ashtuquajturës ‘Clearing House’. Clearing House FIFA do të sigurojë që kompensimet e trajnimit dhe pagesat e solidaritetit të arrijnë sa më shpejt te klubet që kanë të drejtë t’i marrin ato. Vlerësohet se klubet stërvitore duhet të marrin rreth 400 milionë euro çdo vit, ndërkohë që aktualisht marrin vetëm nga 70 deri në 80 milionë.
